Luçano Mocci “Yuventus” rəhbərliyini “Napoli”dən ayrılmaq istəyən Arkadiuş Miliki transfer etməyə cağırıb.
Turin klubunun sabiq baş direktoru bildirib ki, Mauro İkardinin mümkün transferi uğursuz olacaq: “Hazırda Dibala ilə Ronaldo meydanda olduqlarına görə Qonsalo İquayn ehtiyat oyunçular skamyasında qalırsa, görün, İkardi gələndən sonra nə olacaq. Axı, Mauro “Yuventus”un taktikasına uyğun oyunçu deyil. Həm də ki, o, daha çox ehtiyat oyunçular skamyasında gözləməli olacaq. Məncə, İkardinin oyun üslubu “Napoli”yə daha yaxındır. Milik isə turinlilərin oyun dəst-xəttinə münasib futbolçudur. Düzdür, o da Ronaldo və Dibalanın kölgəsində qalacaq, amma İkardidən fərqli olaraq Arkadiuş cərimə meydançasına şığıyan oyunçudur”.